У філіяле Веткаўскага музея стараабрадніцтва і беларускіх традыцый імя Ф.Р. Шклярава нагадалі, што гэты аўтэнтычны абрад звязаны з пераносам агню (святла) з вуліцы ў дом. "З гэтага часу пачыналіся вячоркі. На вуліцы рана цямнее, становіцца холадна, таму ўсе работы пераносіліся ў дом - там і цяплей, і комін свеціць", - растлумачылі арганізатары.
У гэты вераснёўскі вечар удзельнікі абраду змогуць далучыцца да спрадвечных беларускіх традыцый. У праграме - абрадавыя дзеянні з гарбузом, мёдам, збожжам, песні і танцы пад гармонік, традыцыйныя беларускія гульні, жарты і забавы.
Арганізатары запрашаюць усіх жадаючых далучыцца да добрай традыцыі і, праявіўшы кулінарныя таленты, сумесна накрыць святочны стол. Лічыцца, што так увесь год будзе шчаслівым ва ўсіх. Вітаюцца любыя пачастункі, у тым ліку яечня, пірагі, бліны, варэнікі, стравы з бульбы, каўбаса, сыр, цукеркі, пячэнне і інш.
Пачатак абрадавага дзейства ў 16.00 у філіяле Веткаўскага музея стараабрадніцтва і беларускіх традыцый імя Ф.Р. Шклярава ў Гомелі.
