У апошні летні месяц беларускія нафтавікі завяршылі бурэннем 8 новых свідравін. Пяць з іх пабудаваны на Рэчыцкім радовішчы, па адной - на Гарцаўскай, Вішанскай і Цішкаўскай пляцоўках.
Калектыў вышкамантажнага ўпраўлення ў жніўні перадаў калегам са Светлагорскага ўпраўлення буравых работ дзве зманціраваныя буравыя ўстаноўкі - на свідравінах нумар 198 і нумар 199 Вішанскага радовішча.
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін.
