Праверку на трываласць і вынослівасць для школьнікаў з Гомельскага рэгіёна арганізавала маладое грамадскае аб'яднанне "Патрыёты Беларусі". Завяршыліся адборачныя этапы рэспубліканскага ваенна-патрыятычнага турніру "Выклік". Зараз у юных "навабранцаў" ідзе барацьба за пуцёўку ў паўфінал. Юнакі і дзяўчаты пабывалі на экскурсіі ў музеі ваеннай тэхнікі пад адкрытым небам і спецыялізаваным класе, прысвечаным аперацыі "Баграціён", адпрацоўвалі навыкі валодання зброяй, праходзілі абкатку танкамі і вучыліся кіраваць беспілотнікамі.