"Мы сёння падпішам кантракт з Дзяржаўнай сельскагаспадарчай карпарацыяй Манголіі на пастаўку 10 самаходных касілак у названую краіну. Да гэтага пастаўкі ажыццяўляліся ў 2015 годзе, а сёння мы аднаўляем наша супрацоўніцтва. Спачатку 10 касілак, пачынаем паказваць нашу тэхніку на мангольскім рынку, а далей развіццё могуць атрымаць пастаўкі збожжаўборачнай тэхнікі, якая карыстаецца попытам. Перспектывы ацэньваем станоўча, таму што гэтаму рынку патрэбна да 300 адзінак збожжаўборачнай самаходнай тэхнікі штогод", - сказаў Аляксандр Новікаў.
Ён таксама расказаў аб эканамічных паказчыках прадпрыемства і далейшых планах. "Назіраецца рост аб'ёмаў вытворчасці і экспарту. Асноўныя рынкі - Расія, Казахстан. У гэтым годзе таксама плануем аднавіць пастаўкі ў Афрыку, гэта каля 100 адзінак тэхнікі", - адзначыў гендырэктар.
Паводле яго слоў, у Год якасці асаблівая ўвага будзе ўдзяляцца не толькі высокай надзейнасці тэхнікі, але і паляпшэнню работы механізатара, павышэнню камфартабельнасці, каб прадукцыя прадпрыемства была яшчэ больш канкурэнтаздольнай.
