Лідары першынства мінчанкі прымалі на сваёй пляцоўцы "Віцябчанку" і выйгралі з перавагай 19 мячоў - 46:27. У складзе пераможцаў лепшым снайперам стала Дар'я Пласконная, якая закінула 7 мячоў, а ў гасцей 11 разоў вызначылася Настасся Грахоўская, якая стала самай рэзультатыўнай у гэтым туры. Гомельскія гандбалісткі таксама ў сябе дома абыгралі бабруйскую "Бярэзіну" з рэзультатам 39:31. У Гродне "Гараднічанка", якая ідзе трэцяй, перамагла брэсцкі клуб "Вікторыя-Бярэсце" з лікам 31:27.
Пасля 14 дзён гульні "БНТУ-БелАЗ" мае 24 ачкі, "Гомель" адстае на два балы, у "Гараднічанкі" 18 ачкоў. У суботу, 18 лістапада, у сталічным Доме гандбола "БНТУ-БелАЗ" прыме гандбалістак "Гомеля". Гэта будзе іх трэці паядынак у цяперашнім першынстве. У першай гульні гамяльчанкі выйгралі ў Мінску з лікам 38:29, а потым у Гомелі падапечныя Канстанціна Шараварава ўзялі рэванш - 34:33.
Турнірную табліцу мужчынскага першынства ўзначальвае дзеючы чэмпіён Беларусі "Мяшкоў Брэст", які набраў 16 ачкоў з 16 магчымых, другім ідзе мінскі СКА, у якога 14 балаў, у гродзенскага "Кронана" - 11 ачкоў. У сераду, 15 лістапада, фаварыты правядуць дамашнія паядынкі 9-га тура: "Мяшкоў Брэст" прыме на сваёй арэне "Бусел Кітая", а СКА праэкзаменуе РДВАР-2006.
