Спецыялісты ўпраўлення сумесна з расійскімі калегамі пачалі доследна-прамысловыя выпрабаванні бяскабельнага абсталявання сістэмы "Геатом". Яе выкарыстанне ў далейшым можа стаць выдатным замяшчэннем заходніх аналагаў.
"Абсталяванне паспяхова прайшло ўжо выпрабаванні ў рэальных праектах на Крайняй Поўначы, у Заходняй Сібіры і на Далёкім Усходзе. Па выніку доследных работ на Майска-Макееўска-Дняпроўскай плошчы будзе дадзена ацэнка якасці атрыманага палявога матэрыялу, магчымасці выкарыстання гэтага абсталявання для выканання сейсмаразведачных работ 3D і правядзення сейсмаманіторынгу пры ГРП", - растлумачылі ў "Беларуснафце".
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін.
