У аграгарадку Вялікі Бор Хойніцкага раёна сумесна з Мінэнерга ў гэтым годзе праводзіцца поўны перавод на электразабеспячэнне ўсіх жылых дамоў. "Плануецца ў бягучым годзе завяршыць гэту работу ў 103 жылых дамах, сярод якіх два шматкватэрныя дамы, 76 аднакватэрных і астатнія - блакіраваныя жылыя дамы, якія будуць па выніку цалкам пераведзены на ацяпленне за кошт электраэнергіі. Для выканання ўсяго комплексу работ спачатку трэба падцягнуць адпаведныя магутнасці да населенага пункта, абсталяваць", - расказаў Дзмітрый Згурскі.
Для Вялікага Бора была выбрана электрыфікацыя як альтэрнатыва газіфікацыі, таксама з улікам магчымасцей уводу БелАЭС. "Такі шлях запатрабаваны і думаю, што Мінэнерга будзе далей развіваць гэты напрамак. Тарыфнае рэгуляванне ўскладзена на Міністэрства антыманапольнага рэгулявання і гандлю, у тым ліку забеспячэнне парытэту. Таму па цане будзе ўсё прыкладна аднолькава з агаворкай на шэраг асабістых фактараў і суровасці зімы", - рэзюмаваў ён.
