Падчас цырымоніі ўзнагароджання «Працай заслужан ая пашана» раскрыта галоўная інтрыга раённага спаборніцтва сярод галін народнай гаспадаркі.
Героі сённяшняга дня – прадстаўнікі розных галін і калектываў, якія прызнаны пераможцамі раённага спаборніцтва па выніках 2024 года, а таксама лепшыя ў сваёй справе.
Яны пачулі ў свой адрас цёплыя словы падзякі за добрасумленную працу і асабістыя дасягненні. Перш чым яны атрымалі заслужаныя дыпломы, пераходзячыя прызы і падарункі, старшыня раённага выканаўчага камітэта Аляксандр Горбач падвёў вынікі работы раёна за 2024 год, адзначыўшы поспехі і пазначыў на кіраванне , дзе трэба паднаціснуць у бягучым годзе.
Такім чынам, у намінацыі « К іраўнік года» перамог Дзмітрый Мішакоў, дырэктар цэн-тра банкаўскіх паслуг № 312 у Добрушы рэгіянальнай дырэкцыі па Гомельскай вобласці ААТ «Белаграпрамбанк».
Перамога ў намінацыі «С табільнасць і поспех » прысуджана Уладзіміру Павельчуку, дырэктару таварыства з абмежаванай адказнасцю « Белагразапчастка » .
У намінацыі «Абаронца Айчыны» гледачы апладзіравалі Антону Лаўрэнцьеву, ваеннаму камісару Добрушскага і Веткаўскага раёнаў.
Ганаровая грамата раённага выканаўчага камітэта і пераходны прыз « З а лепшую арганізацыю ідэалагічнай работы» ўручана прадпрыемству «Добрушскі Камунальнік».
Кветкі і дыпломы намінантам уручыў старшыня райвыканкама Аляксандр Горбач.
Упершыню за шматгадовую гісторыю ўшанавання пераможцаў раённага спаборніцтва адна гаспадарка стала пераможцам адразу ў шасці намінацыях.
Калектыў сельгаспрадпрыемства «Уцеўскае», якое ўзначальвае Арцём Леванцоў, адзначан пераходнымі прызамі і ганаровымі граматамі райвыканкама за дасягненне лепшых эканамічных вынікаў, лепшых паказчыкаў па валавой вытворчасці малака, лепшых паказчыкаў па вытворчасці мяса буйной рагатай жывёлы, лепшых паказчыкаў па ўзнаўленні дойнага статка і за дасягненне высокай ураджайнасці збожжа.
Калектыў КСУП «Баршчоўскі» (дырэктар Гарэлікаў Алег Міхайлавіч) адзначаны за найбольш поўнае забеспячэнне жывёлагадоўлі кармамі.
Добрушская зямля заўсёды славілася таленавітымі і працавітымі людзьмі, – адзначыў у сваім выступленні падчас адкрыцця мерапрыемства старшыня раённага выканаўчага камітэта Аляксандр Горбач. – Гэта свята – магчымасць выказаць словы падзякі ветэранам і працаўнікам народнай гаспадаркі, іх маладой змене, усім, хто дабіваецца высокіх вынікаў у сваёй справе.
А на сцэне – л епшыя па прафесіі. Даяркі, механізатары, педагогі, прадстаўнікі прамысловай і сацыяльных галін. Іх імёны чытачы газеты пазнаюць з бл і ж э йш а г а нумара. Узнагароды пераможцам у намінацыях уручылі намеснікі старшынь райвыканкама Генадз ь Мальца ў , Дзяніс Сазонаў, намеснік старшыні раённага Савета дэпутатаў Станіслаў Гаршуноў.
Выдатным дадаткам да цёплых слоў і пажаданняў у адрас віноўнікаў урачыстасці сталі яркія музычныя нумары ад мясцовых артыстаў.
